'योगा'योग!

दिनांक: २२ जून, २०१५

काल आंतरराष्ट्रीय योगदिन मोठ्या थाटामाटात साजरा झाला. भारताच्या जगाला ज्या ज्या अनमोल देणग्या आहेत, त्या पैकीच ही एक भविष्यात गणली जाणार यात काडीमात्र शंका नाही.

मग या योगदिनाची आपण भारतीय टिंगल का करत आहोत? आपल्याला सर्वांनाच आनंद झाला पाहिजे. मला तर असे वाटते की असा आनंद सर्वांनाच मनातल्या मनात झाला आहे, असावा...

तरीही? तरीही असे का?टवाळी का? हा आंतरराष्ट्रीय 'कामसुत्रदिन' पाळला जावा असे टाइम्स आॅफ इंडिया मधील लेखात लिहले आहे. तर कोणी म्हणते की हा आंतरराष्ट्रीय 'भोगदिन' म्हणून पाळला तर कसे?

असे होण्याचे कारण आहे, आपले माननिय पंतप्रधान नरेंद्र मोदी साहेब. हो हो! तेच. ज्यांना 'आंतराष्ट्रीय डंका पिटण्याची' खोड लागली आहे. आज ते बोलणार नाहीत पण.... पण वेळ मिळाल्यास नक्कीच बोलतील, 'मेरे भाईयों और बहिनों, आपको मालूम होगा की, जो योगा सिर्फ भारतमेंही सिमित था (कचरे के कुडे में पडा था-मनातल्या मनात)  उसको हमारी (मैने-मनात) सरकारने आंतरराष्ट्रीय स्तरपर पहचान दिलायी।"

कालच व्हाॅट्स‍अॅप वर मेसेज फिरत होते,

'Father's Day के दिन 177 देशों में योग करवा के भारत ने सिद्ध कर दिया के वो पूरी दुनिया का बाप है।'

'मोदींनी आज संपूर्ण जगातील १९३ देशातील लोकांना चट‍ई वर झोपण्यास भाग पाडले!'

अरे होप! होप! किती बोलताय? काय बोलताय? वय किती? बोलता किती?

तुम्हाला सगळं बोलण्याचा हक्क आहे, तर मग तो विरोधकांना का नसावा? जर लोक बोलले की 'गोळवरकर गुरूजींचा जन्मदिनच योगदिन का?' 'वाजपेयींचा जन्मदिनच जो नाताळाच्या सुट्टीच्या दिवशी येतो तोच सुशासनदिन का?'

तर.... नमोरुग्णको गुस्सा क्यों आता है? सन्नाटा क्यों छा जाता है भाई? टाइम्समधील एका स्टॅड‍अप काॅमेडियनच्या 'कामसुत्रदिन का नाही' या लेखाने बाजीराव शिंघम सारखी तुमची 'सटकते' कशाला? तुम्हाला 'राग का येतोय?'

तुमची अतिरंजित विधाने चालतात, मग विरोधकांची अतिरंजित विधानेही सहन करायला शिका हो भक्तांनो! मार्ग खडतर आहे. खाचखळगे येणारच!

तुम्ही जसे बोलाल तसे उत्तरे मिळतील, शेवटी 'जशास तसे' हा नियमच आहे?

योगाला कालच्या 'योगदिना'च्या अगोदरच आंतरराष्ट्रीय स्तरावर कोणी पोहचवले असेलतर ते 'रामदेवबाबांनी!' असे माझे अगदी प्रामाणिक आणि निपक्ष मत आहे.

बाकी आजचे मोदीजींचे भाषण छान झाले बरं का. त्यांनी हे सांगितले की जगातील अनेक भूभागातील, अनेक रंगाच्या आणि अनेक परंपरा असणाऱ्या लोकांनी योगासाठी योगदान केले आहे. तसेच ज्या महापुरूषांनी, ऋषींनी-मुनींनी, योगगुरूंनी (रामदेवबाबा हसले), योग शिक्षकांनी, योग अभ्यासकांनी अनादि काळापासून योगाला माणले, वाढवले, विकास केला अशा महानुभाव लोकांना मी आदरपुर्वक नमन करतो आणि त्यांचा गौरव करतो, असेही आपले पंतप्रधान म्हणाले. याच गोष्टीवर कायम राहिले म्हणजे मिळवली! नमोभक्तांनी यातून बरेच शिकण्यासारखे आहे. खरं की खोटं?

जय योगा!